Við sær úr skúlanum seinasta dagin fáa tey bøkur og eftir, sum tey hava arbeitt við. Terji ger ikki vandari enn fer beina leið heilt út á molan, og har tveitir hann allar bøkurnar á sjógv. Heftini við stílum og roknistykkjum verða skrædd sundur og fara sama veg.
– Burtur við hesum, burtur við øllum, sum er komið burturúr hetta skúlaárið, hugsar hann. Hann lætnar um hjartað, tá hann sær vindin og høgættaraldurnar fara ú eftir fjørðinum við sundurskrøddu heftunum ríðandi á aldunum.