Seinastu 3 árini á lívsleið Eliesars vóru hann og Óli Jacobsen bestu vinmenn. Tað eydnaðist Óla at fáa Eliesar at siga lívssøgu sína. Hetta festi Óli meistarliga á blað, og tað kom á prent í FF-blaðnum. Eg eri Óla ómetaliga takksamur fyri tað, sum hann hevur avrikað her. Eg havi í hesi bók gjørt mær dælt av tí, sum Óli skrivaði, og hann hevur givið samtykki til, at eg nýti hansara tilfar.

Eg havi leingi havt í huga at skriva bók um faðir mín, hvussu eg havi upplivað hann – fyrst og fremst fyri at kunna eftirkomararnar. Eg eri hampiliga væl fyri enn, men ásanni, at tíðin er avmarkað, og at eg tí eigi at gera hetta arbeiðið nú.

Líggjas í Bø