Tey seinastu 20 árini eru 27 Venclar útgivnir. Hetta skuldi verið okkurt um 2.900 síður við dygdargóðum skaldskapi á føroyskum. Vit eru eitt lítið mál, og tí hevur tað týdning, at vit hava dygdargóðan heimsskaldskap á føroyskum máli. Tá ið vit í 2006 settu okkum fyri at geva út Vencil, var endamálið at geva føroyingum heimsbókmentir á føroyskum máli. Í Vencili hava vit nú skaldskap úr russiskum, amerikanskum, enskum, donskum, íslendskum, týskum, norskum, japanskum, sponskum, arabiskum og nógvum øðrum málum. Hetta verður knýtt upp í skaldskap, úr føroyskum jørðildi.