Lýsing

Agnes, dóttir gudin Indra, kemur niður á jørðina, tí hon er forvitin og vil kanna, hvussu menniskjuni hava tað. Hon upplivir hvussu menniskjuni av øllum alvi stríðast fyri at gerast eydnurík. Tey royna at finna gleði og kærleika, leita eftir eini meining við lívinum, samstundis sum tey eru fastlæst av umstøðum og sínum tankum um, hvussu hetta skal lata seg gera.

Strindberg skrivaði hetta surrealistiska dramaið um stríðið hjá menniskjunum í 1902, og formurin hann hevur valt er dreymurin. Tilveran verður sett uppá spíssin, alt ber til og alt kann henda.

Hanus Kampan hevur týdd til Føroyskt.