Lýsing

Húsgarður telist millum søguríkastu garðar í Føroyum, og lítil ivi er um, at søgan um garðin er væl eldri enn tær elstu keldurnar, vit eiga. Húsgarður er við í fleiri gomlum sagnum, og sambært teimum vóru floksmenninir í síni tíð á gólvinum Niðri við Hús. ì bókini verður greitt frá søguni um Húsgarð og fólkunum á garðinum frá sagnartíð upp til okkara dagar, og tær ættargreinir, sum settu búgv fyrst í býlinginum Húsgarði og seinni kring alla bygdina, verða lýstar.
Í bókini verður eisini greitt frá, hvussu jørðin innan- og uttangarðs hevur verið skipað í Syðrugøtu upp gjøgnum tíðina. Av serligum áhuga eru tey rættarmálini, sum hava verið í samband við óvissuna um , hvar markið millum Húshagan í Syðrugøtu og hagapartin Gøtuseyður í Søldafirði skuldi vera. Ta óvissuna avgjørdu løgrættumenn á einum ástaðartingi á Løgdalsbrúgv fyri júst 200 árum síðani.