Lýsing

Mundi nakar lurta eftir útvarpinum tann 15. oktober í fjør? Mundi nakar hoyra, at tey sóknaðust eftir einum dreingi, sum var horvin. Tey søgdu: ,,Løgreglan í Stockhólmi leita eftir tí 9 ára gamla Bo Vilhelm Olsson, sum ikki er sæddur, síðan hann fór frá húsum í Upplandsgøtu 13 í fyrrakvøldið kl. 18. Bo Vilhelm Olsson hevur ljóst hár og blá eygu, og hann var í stuttum, brúnum buksum, gráari, bundnari troyggju og hevði lítla, reyða húgvu  á høvdinum. Tann, ið veit um dreingin, verðu biðin um at siga løgregluna frá.”
Ja, soleiðis søgdu tey. Men ongantíð frættist nakað um Bo Vilhelm Olsson. Hann var horvin. Eingin fekk nakrantíð at vita, hvat var vorðið av honum…
Soleiðis byrjar søgan um Mio.