Eitt ár eftir Scandinavian Star-vanlukkuna í 1990, sum drap bróðurpartin av Arvidsa familju, er Turið, kona hansara, rýmd við døtrunum. Hon sendir eina vinkonu, sum enntá speirekur hann, eftir tí, hon eigur. Og so er tómt.
Tríggjar fjálgar og ljósar løtur eru í skaldsøguni. Tær eru í seinna partinum og lyfta søguna út úr myrkrinum. Hvussu tað verður gjørt, verður ikki avdúkað her.
Arvid er fyri falli, missir tamarhaldið á sínum egna lívið og missir genturnar. Hann situr um kvøldarnar á barr og enda ofta saman við konufólki, hann ikki kennir. Hann er ørkymlaður og í villareiði.
Soleiðis gongur eitt ár. Hann fer í hundarnar. 12 ára gamla dóttirin er er nógv merkt av støðuni. Hann svíkur øll, men varnast ikki rættiliga, hvat ið hendir.
Eina náttina ringir Turið til hansara, hon grætur, veit ikki hvar hon er, hevur ongan, og hann fer eftir henni.