Um mann ikki telur føðingardagar við, so er jólaaftan heilt avgjørt yndisdagurin hjá Miru. Tað er bara tað, at vaksin ofta gera desember til ein øgiliga fløkjasligan mánað. Er tað vanligt, at vaksin verða óvinir um jóladøgurðan? Ella at mamma tín hóttir við bara at geva heimagjørdar jólagávur? Desember er heilt vist mánaðurin, tá vaksin eru mest barnslig. Tað ringasta er, tá mann skal velja ímillum mammu og babba, sum bæði vilja halda jólaaftan.
Í skúlanum eru nógv jólaloyndarmál. Tað er ógjørligt at gita, hvør nissan hjá Miru er. Hon fær nemliga ikki vanligar jólaheilsur og gávur, so Mira noyðist at loysa gátuna um ta óndu nissuna.