Frá hárgarðinum í erva til høkuna í neðra frá oyra til oyra var alt skorið burtur, og eftir var bara ein maska av beini og leivdir av svørtum blóði. Sjálvt eygnaholurnar vóru tómar. Hendan sjónin var í sjálvum sær óunnilig, so tað vardi eitt bil, innan eg varnaðist, at tað var ikki ein tanngroddi í høvdinum. Hvør ein tonn var trekt út. Hendurnar og fingrarnir vóru líka tatoveraði sum áður, men fingrarnir vóru styttir við út við einum triðingi.