Lýsing

Hetta er ein øðrvísi listabók. Ein bók við myndverkum, sum opnu fyri opnu lýsa tættir í ævisøgu málarans. Frá dreingjaárum, sum eru sveipt í dreymakent tám, til árini, hann roynir seg sum málari við íblástri frá øðrum, til hann torir at ganga sínar egnu leiðir og sættast við sítt egna lag. Hetta lagið bregdar tónlist og myndlist saman, og hesir báðir tættir mynda Frits læraran, kórleiðaran, málaran og bygdarmannin.