Nornagestur er høvuðspersónur í eini frásøgn í Søgu Ólavs Tryggva sonar í Flatoyarbók. Hann er gamal vallari, sum styttir kongsins monnum stundir og sigur teimum søgur. Sjálvur greiðir hann frá, at við vøgguna, har hann lá nýføddur, spáddu tær tríggjar vølvurnar honum eina glasiliga framtíð, men ein teirra legði aftrat, at lív hansara fór at slokna, tá ið ljósið, ið varð kveikt við vøgguna, brann niður. Tí varð ljósið sløkt, og hann bar uppi á sær alt lívið.
Hann verður verandi í hirðin hjá Ólavi kongi og verður doyptur. Mettur av døgum kveikir hann sjálvur í ljósið ein dag og doyr 300 ára gamal, tá ið ljósið brnnur niður.