Tað sirmaði eitt sindur, og saman við teimum fáu gøtuljósunum varpaði tað ein trølsligan dám út yvir kaiina við blóðutum monnum og hálvuppskornum hvalum. Tá kom róp í.
Í útjaðaranum, har ljósið hevði lítið vald, lógu tveir hvalir, sum tað ikki reiðiliga var sett á enn. Garnarnar hingu úti og gjørdu ein grá bláan rulk millum hvalirnar. Hann, sum heðdi rópt, peikaði niður á garnarúgvuna, har tvinnir hvítir gummistivlar við lissum komu undan.