Tann fremmandi stóð í sínum gráa kappa og rann næstan saman við mjørkanum.
Mamma stívnaði, tá ið hon varnaðist hann.
,,Hvat gert tú her?” spurdi hon.
,,Tað manst tú kunna gita.”
,,Nei,” segði mamma og brúkti skammararøddina ímóti honum: ,,Slepp tær burtur. Lat meg og børnini fáa frið.”

Mamma Dinu er bangin fyri fremmanda. So bangin, at hon flýggjar yvir háls og herðar við alla familjuni, á myrkari nátt har ugluskríggj hoyrast, og óunniligir, kaldir vindar blæsa. Men ber til at fjala seg fyri einum Svartmeistara? Hvar finnur tú trygd, tá ið tann ið jagstrar teg, hevur gávu ormsins?