i Føroyum siggjast av og á fuglar, sum vanliga ikki hoyra heima her. Henda bók gevur eitt gjølligt yvirlit yvir allar góðkendar eygleiðingar av slíkum sjáldsomum fuglum Føroyum í eitt 10-ára skeið. Frágreiðingin byggir á visindaligt skrásetingararbeiði, sum er viðgjørt av Siældenhedsudvalget (SU) undir Dansk Ornitologisk Forening í samstarvi við Tjóðsavnið og Føroya Fuglafrøðifelag.

Tilsamans eru 395 mál viðgjørd, og 28 nýggj fuglasløg eru skrásett fyri Føroyar í hesum tíðarskeiðinum. Hvør eygleiðing er neyvt lýst við tíð, staði, eygleiðara, prógvum og viðkomandi upplýsingum um fuglarnar. Samstundis gevur bókin eina breiðari fatan av útbreiðslu og bakgrund hjá einstaka fuglaslagnum, bæði í Føroyum og grannalondunum.

 

Sjáldsamir fuglar í Føroyum er eitt rit fyri øll fuglaáhugað, granskarar, og tey, ið hava áhuga fyri føroysku náttúruni.

Myndirnar, sum Silas Olofson hevur tikið, vísa fyrstu skrásettu fuglarnar av sínum slag i Føroyum.