Lýsing

Herdis er fødd í Leirvík 7. august í 1945. Hon er næstyngst av 11 systkjum. Tá hon var 11 ár, fekk hon trupulleikar við vinstra knæi. Knæið versnaði so nógv, at hon var send til Danmarkar á vári 1959. Seinni sama ár varð beinið tikið oman fyri knæ. Næstu 10 árini stríddist hon við avleiðing­arnar av sjúkuni og við at fóta sær aftur. Tað er hetta tíðarskeiðið, sum er fest á blað.

Í bókini lýsir hon, hvussu tað var at vera sjúklingur, dóttir, systir og ung við rørslutarni bæði í Føroyum og í Danmark í sekstiárunum. Hon greiðir frá umsorgan, hjálpsemi, mótstøðu, pínu og stríðnum at koma fyri seg aftur. Hon er bersøgin og tekur ikki synd í sær sjálvari.