Description

Hendan bókin er um føroysk handrit. Endamálið við hen¬ni er at bjóða lesaranum inn í ein heim, sum annars kann tykjast óatkomiligur, og at kunna lesaran um, hvussu fjølbroytt føroysk handrit eru. Bókin er skrivað á trimum málum – føroyskum, donskum og enskum – og tann forvitni lesarin eggjast til at fara á rannsóknarferð inn í føroysk handrit á einum, tveimum ella øllum trimum málum. Teir tríggir tekstirnir eru í høvuðsheitum eins; tó kunnu frábrigdi koma fyri, av tí at málini bera seg ymiskt at, og eisini tí at forkunnleikin hjá føroyska, danska ella útlendska lesaranum helst ikki er eins.