Description

SØGUKORT – nýggj røð við stuttsøgum 

H.N. Jacobsens Bókahandil gevur út átta bøkur við føroyskum og týddum stuttsøgum. Tað serliga við røðini er, at bøkurnar eru smáar, tær hava brævkortastødd, og ein stuttsøga er í hvørji bók. 

Søgukortini eru: 

Søgukort 1: “Eyðun” eftir Regin í Líð 

Søgukort 2: “Bella Katrina” eftir Oddvør Johansen 

Søgukort 3: “Listin” eftir Sólrún Michelsen,  

Søgukort 4: “Ósjónliga savnið” eftir Stefan Zweig, sum Rakel Helmsdal hevur týtt 

Søgukort 5: “Herverkið” eftir Graham Greene, sum Hanus Kamban hevur týtt 

Søgukort 6: “Jørð! Jørð!” eftir Lev Tolstoy, sum Finnbogi Ísakson hevur týtt 

Søgukort 7: “The Knife” eftir William Heinesen; ensk týðing av “Kniven” eftir Hedin Brønner 

Søgukort 8: “Die Kette” eftir Marjun Syderbø Kjælnes; týsk týðing av “Leinkjuni” eftir Ingu Meincke 

Hugskotið til røðina eigur Rakel Helmsdal rithøvundur. Malan Marnersdóttir og Rakel hava ritstjórnað bókunum, Kirstin Helgadóttir, grafikari og kurator, hevur sett tær upp og funnið permumyndirnar. 

H.N. Jacobsens Bókahandil gevur bøkurnar út í samstarvi við Listasavn Føroya.