Hetta eru samtíðarsøgur um kvinnur í ymsum aldri; frá smágentum til tilkomnar kvinnur. Flestu teirra eru onkursvegna avbyrgdar í sínari støðu í gerandisdegnum og eru nú á einum vegamóti. Spurningurin er, um kvinnurnar megna at broyta sína støðu, ella um tær mugu sættast við tað, sum er. Í fleiri av søgunum er huglag-ið dapurt, men kortini hómast vón og møguleikar fyri broyting – og kanska á ein øðrvísi hátt enn tað kvinnulívið, tær annars høvdu ímyndað sær. Søgurnar lýsa sambond millum menniskju; millum foreldur og børn, eldri og yngri ættarlið, mann og kvinnu og vinir. Tær viðgera allar nútíðarevni, sum lesarin kann kenna seg aftur í.