Frí
kr. 299,00
Um frælsi, sjálvbjargni og skapandi lív
Blásius og Sirius fara á eina ævintýrkenda ferð, har teir uppliva tað einfalda lívið á Kønuborg.
Í útikøkinum skapar Blásius eina forvitnisliga kókibók úr rávørum á garðinum við innblástri úr heiminum. Sirius stórtrívist millum hønurnar, garðin og útilívið. Les postkort hansara til skúlan – full av lívi og upplivingum.
Á Kønuborg býr handaligi Kønus, sum er og ger, júst sum hann vil. Fá íblástur frá gerandislívi og ferðum hansara uttan fyri klettarnar.
Uppliv bygdarlívið á Mønini og møt teimum, sum ikki lata seg ávirka, men halda fast í tí siðbundna.
Og kom við til Tuskuvíkar og møt onkrum av teimum, sum eru sín egin.
Ein skemilig bók til ung sum eldri við íblástri til matgerð, lívsstíl og gleðina at vera á ferð.
- Description
Description
FRÍ er ein skemtilig bók til ung sum eldri við íblástri til matgerð, lívsstíl, sjálvbjargni, skapandi lív og gleðina at vera á ferð. Ein bók um forvitni, útilív og frísinnaði menniskju, sum finna gleðina í tí einfalda og siðbundna – við hjarta, hondum og hugflogi.
Bókin, ið er skriva sum skaldsøga, kann eisini nýtast sum ein kókibók, har lesarin finnur alskins uppskriftir.
Tað er Jóna Joensen, ættað úr Syðrugøtu, búsitandi í Sveis, ið hevur skriva bókina FRÍ. Íblásturin kemur frá uppvøkstrinum í Føroyum, ferðum kring knøttin og lívinum á garðinum í Sveis, sum hon, saman við manni sínum Thomas, hevur umskapað til eitt gistingarhús og eina sjálvbjargna oasu við grønmetið, fruktum, urtum og víni.
Á garðinum finna trý ættarlið gleðina at skapa frá grundini. Afturat ból og bita bjóðar Jóna coaching og leirskeið í Ryfflihaus. Frí er hennara fyrsta bók.
