BÓK er eitt savn við 54 yrkingum, har kroppur, náttúra og sálarlív renna saman til eina poetiska rørslu, eina poetiska frásøgn. Í savninum kemur orðið “eg” ikki fyri. Ístaðin møta vit einum tey – eini ónevndari rødd, ið einari roynd at lýsa eina lívsverð í brotum og speglingum. Fráveran av orðinum ‘”eg” ger, at bókin flytur seg út um karmarnar av klassiskum sentrallyrikki. Her finnast orð og myndir av kroppinum og náttúruni: nalvi, lær, vørr, negl, kjálki, smíl, apublóma, á, ivi og fyrigeving, psyka, seksualitetur og sambond eru flættað saman og óloysiliga spunnin inn í hvør annan Yrkingarnar eru intimar, kropsligar og eksperimenterandi – skrivaðar, sum um tær vóru partur av einum kollektivum ella pluralum minni, eitt ekko frá einum heimi, sum annaðhvørt er farin undir ella nýliga er blivin til fyri fyrstu ferð í tilvitinum.