Description

Bøðilin skrivaði Pär Lagerkvist longu í 1933, árið tá ið Hitler tók við valdinum. Íblásturin var ein ferð gjøgnum Týskland. Tann fyrr av teimum báðum pørtunum í skaldsøguni fer fram í einum miðaldar verthúsi við fólkum, sum eru eykend frá teirri tíðini, seinni partur fer fram á eini nútíðar jazzstovu við heilandi hermonnun og vanligum borgarum og kvinnum teirra. í báðum pørtum situr tað ónda í haminum á bøðilinum fyri endan á borðinum. Einki norðurlendskt skald hevur megnað at givið okkum ein sterkari varhuga av tátíðar yvirtrúgv og bonskleika, og meira óhugnaliga veruleikasatt hevur eingin frammanundan sæð teir ræðuleikar, sum fóru at koma. Javnberingin rekur kvørkratak á lesaran.