Description

Antropologurin , Alisa, ferð hesa ferð til Mexico at granska spenningar ímillum neoliberalismu og kommunitarismu – umboðað av ávikavist námfyritøkuni Mining International og Zapatista-uppreistrarbólkinum. Alisa endar skjótt mitt í einum meldri av óloystum gátum og vandamiklum tilburðum, sum tykjast vera tengd at teirri spentu støðuni í økinum.
Hon verður drigin inn í lívini og loynidómarnar hjá fólkunum á staðnum, og fær eitt torgreitt forhold til tann karismatiska, maskuklædda, zapatistaleiðaran Emilio, og til høvuðsfíggjanda hansara, tann vakra stjóran í Mining International, Juanitu.
Meðan Alisa stundum berjist fyri lívinum, uttan altíð at vita hvør fíggjindin er, verður hon samstundis eisini sett andlit til andlits við nýggjar síður av sær sj´lvari – bæði ráðar, dýriskar kreftir, men eisini ein nýggjan, djúpan eymleika, sum hon ongantíð hevur uppliva fyrr.