Koronufarsóttin legði trýst á fólkaræðið – eisini í Føroyum.
Løgtingið samtykti hjálparpakkar, uttan at løgtingsfólk sluppu at viðgera málini.
Krøv vórðu sett til løgtingsfólk, áðrenn hesi kundu seta seg í fólkavalda sess sín.
Bókin viðger fólkaræðið undir koronu farsóttini.
Støðið verður tikið í upplivingum, brotum úr politiskari dagbók, lesarabrøvum hjá høvundanum , avgerðum hjá myndugleikum o.s.f.r.
Vónandi kann bókin vera íkast til orðaskifti um fólkaræðið. Tí fólkaræðið er bara har, um vit vilja og virða tað.