Sverris søga er ein kongssaga um Sverra Sigurðsson, sum vaks upp síni barna- og ungdómsár í Kirkjubø. Sverri var Noregis kongur frá 1177-1202.
” Fimm ára gamal kom Sverri til Føroya og varð fostraður upp hjá Róa biskupi í Kirkjubø, sum “setti hann til bókina og gav honum vígslur, so hann varð vígdur til prest.”
Unas, sum er beiggi Róa, giftist Gunnhild, móður Sverra. Sverri var 24 ár, tá ið mamma hansara kom til Føroya úr Noreg og segði honum, at Unas ikki var faðir hansara, men at tað var Sigurð Munn, ið gjørdist kongur í Noregi í 1136. Sverri var í Føroyum í eitt ár, áðrenn hann fór til Noregs. Tá byrjaði drúgva stríð hansara at vinna ræði á landinum. Hann gjørdist oddamaður á einum hermannabólki, ið kallaði seg birkibeinar, og teir gjørdust kjarnin í heri hansara at vinna ræði á mótstøðumonnunum, fram um allar Magnusi kongi og Erlingi Jalli.