GYRÐIR ELÍASSON er íslendingur, føddur 1961, skald, rithøvundur, týðari og myndlistamaður.

Síðan 1983 hevur hann givið út eina ørgrynnu av skaldaverum: yrkingasøvn, skaldsøgur, stuttsøgur og annað umframt nógvar týðingar.

Hann hevur fingið stóran heiður og viðurkenningar fyri verk síni, m.a. Íslendsku bókmentavirðislønina (2000), Norðurlendsku bókmentavirðislønina (2011), Íslendsku týðaravirðislønina (2012, 2015), Maistjørnuna (2024) og Tranströmer virðislønina (2024). Pensilstrok er áttanda verkið eftir Gyrðir Elíasson, ið Sprotin gevur út.