Description

Dumbledore legði hendurna á borðið og eygleiddi Harry gjøgnum hálvmánabrillurnar.
,,Tíðin er komin, “segði hann, ,,atsiga tær tað, sum eg átti at sagt tær fyri fimm árum síðani, Harry. Góði set teg niður. Eg fari at fortelja tær alt.”

Harry Potter leingist at sleppa aftur í Hogwarts og fáa at vita, hví Ron og Hermione hava verið so loyndarfull og tigandi alt summarið. Fimta árið á Hogwarts gerst hvørki lætt ella gott hjá Harry. Gandamálaráðið trýr hvørki Harry ella Dumbledore, tá ið teir siga, at Voldemort er afturkomin. Ráðið setur eitt umboðsfólk, ið skal hava eftirlit í skúlanum og fáa Harry at tiga – og fylgjurnar eru skelkandi…

Harry hevur annars sítt at gerast við. Hann verður nú fimtan ára gamal, og lagið er skiftandi: Tað skal lítið til, so øsir hann seg upp. Hann er ofta illur, sjáldan kátur – og forelskaður. Tað er trupult at standa á gáttuni til ein vaksnamannheim, ið ikki er so einfaldur, svartur og hvítur, sum hann helt. Undurbarnið, er um at gerast ein meira fjølbroyttur tannáringur…