Description

Í brævi til forleggjaran, Charles Scribner, lýsir Hemingway skaldsøguna soleiðis: ,,Hetta er tann skaldskapur, eg altíð havi tráað eftir at skriva, sum eg eg havi knúlvast við alt lívið. Skaldskapurin skal greiður, einfaldur, fáorðaður og kortin fata um allar tættir bæði í tí heimi, ið mannasálin er. Hetta er besta prosa, eg eri førur fyri at skriva.”
Sum ofta hjá Hemingway, er søgugongdin sára einføld. Bókin er í stuttum um gamlan, kubanskan útróðrarmann, Santiago, sum rør út einsamallur. Í út ímóti trimum mánaðum hevur hann drigið svart. Hann er komin lúgvaður aftur at húsum á kvøldi, krøktur. Eydnan hevur vent honum bakið, og gamli er í døpurhuga.