Description

Í áratíggjunum kring ár 1900 broyttist tað gamla landbúnaðarsamfelagið í Føroyum til eitt nýmótans handils og fiskiveiðusamfelag. Við sínum góðu atløgu- og havnamøguleikum var tað ikki merkiligt, at Fuglafjørður dróg nógv handilsvirksemi til sín, soleiðis at fleiri vinnuvirkir vórðu sett á stovn hesum tíðarskeinum. Summi av teimum eru enntá til enn. Hendan drívandi samfelagsmenningin setti nýggj krøv til undirstøðukervið og livikorini hjá fólki og setti eisini vaksandi krøv til alme ætlanir, sum eina nýggja lóggávu hjá kommunum og amti. >br< Kommunulógin frá 1872 bleiv undurlag fyri vanliga tvungna skúlagongd, sum skuldi tryggja eitt alment útbúgvingarstøði hjá fólki. Eisini á heilsuøkinum vóru broytingar á veg. Hetta kom til sjóndar við stovnseting av staðbundnum sjúkrakassa; og eftir at hava havt eina sjúkratænastu við heimstaði í Klaksvík, eydnaðist tað umsíður at fáa egnan kommunulækna í 1946. >br< Í Fuglafirði blómaði felagslívið í fyrru helvt av 1900-talinum. Hetta var ikki bert innan ítrótt, li mentan, men kom eisini til sjóndar við, at bæði menn og kvinnur, sum arbeiddu innan handil og fisk í 1930unum tóku seg saman í yrkisfelagskapir fyri at berjast fyri betri lønar- og arbeiðsviðurskiftum. Frá at hava verið ein eyðsýnd konservativ bygd politiskt, byrjaði tann politisk myndin nú at broytast og blíva meira fjølbreidd.