Description

Steinbjørn í Lambanum er føddur í 1953 í Fuglafirði. Hann vaks upp í einum fiskimannaheimiog fekk útbúgving sum maskinsmiður, maskinistur og seinni bilmekanikari. Aftaná mong ár sum bilsmiður gjørdist hann síðst í nítiárunum sýnsmaður hjá Trygd, og har var hann, til hann fór frá fyri aldur í 2020.
Tó at starvsleiðin ikki ber brá av skaldskapi, so hevur Steinbjørn altíð dáma væl at festa orð á blað. Frá síðst í áttatiárunum til miðskeiðis í nítiárunum var hann drívkraftin í at geva diabetestíðindi út. Eisini hava mangar góðar og skemtiligar yrkingar frá hansara penni sett dám á brúdleyp og veistlur í Fuglafirði millum ár og dag. Bæði blaðútgávur og yrkingar vísa týðiligt skaldsligt hegni.