Study Books, Scientific Journals, Articles, Homage Volumes etc - H.N. Jacobsens Bókahandil

Plantur til matna

Rúni Brimvík — Fri, 27 Mar 2026 13:52:08 +0000

Plantur til matna er ætlað sum frálærutilfar og íblástur til at menna føroyska vitan um grønmeti og grønmetisframleiðslu bæði hjá leikum og lærdum.

Bókin er úrslit av eini verkætlan hjá Búnaðarstovuni í samstarvi við Nám. Skrivað hevur Sigga Rasmussen, cand.hort. við drúgvum royndum í plantufrøði, undirvísing og dyrking í Føroyum. Bókin er fyrst útgivin sum teldutøk sBók og nú eisini sum prentað bók, so at fleiri kunnu fáa nyttu av tilfarinum.

Í bókini eru fleiri enn 150 ymisk grønmeti umrødd, ið kunnu trívast í Føroyum, tá umstøðurnar eru hóskandi. Nú matmentanir broytast, matvørutrygd og heilsugóður kostur eru á breddanum, og stuttflutt grønmeti er eftirspurt, er umráðandi at hava hollar royndir og vitan at byggja á. Hóast avmarkað er av skipaðum royndarvirksemi, gevur henda bókin eitt djúptøkið innlit í møguleikarnar bæði hjá vinnuni og til heimabrúk.

Myndirnar hevur Sigga Rasmussen sjálv tikið í Føroyum, og tær stuðla frálæruni við ítøkiligum dømum og royndum úr heimligum umhvørvi.

The post Plantur til matna appeared first on H.N. Jacobsens Bókahandil.

Varðin 92 – 2025

Rúni Brimvík — Thu, 13 Nov 2025 16:25:59 +0000

The post Varðin 92 – 2025 appeared first on H.N. Jacobsens Bókahandil.

Føroysk málsøga 1

Rúni Brimvík — Thu, 13 Nov 2025 16:20:08 +0000

1. útgáva, 1. upplag 2025

Ritstjórn:

Hjalmar P. Petersen, Sissal Maria Rasmussen, Zakarias Svabo Hansen, Jógvan í Lon Jacobsen, Sigfríður Sólsker, Christer Lindqvist, Maria Heradóttir

Føroysk málsøga 1 er fyrsta verkið av sínum slagi. Bókin lýsir byrjanina, hvussu tilvitskan um føroyskt vaks fram, hvørjar keldur eru, føroyskar mállærur, hvørji mál, føroyskt er ættað við og tíðarskeið í føroyskari málsøgu. Bókin er í sjey sjálvstøðugum kapitlum, sum kunnu lesast hvør sær. Bókin vendir sær til øll máláhugað umframt málfrøðingar og lesandi. Føroyskt málsøga 1 er tað fyrsta av íalt fimm bindum, ið eftir eftir ætlan koma í 2026 og 2027.

The post Føroysk málsøga 1 appeared first on H.N. Jacobsens Bókahandil.

Føroysk mineral og grótsløg

Rúni Brimvík — Wed, 12 Nov 2025 15:32:47 +0000

Føoysk mineral og grótsløg er ein handbók, sum hóskar væl at taka við út í náttúruna. Føroyska jarðfrøðisøgan goymir nógv forvitnisligt, sum flest okkara ikki geva okkum far um í tí dagliga. Tað er eitt stórt margfeldi avmineralum og ein rúgva av ymiskum grótsløgum at finna í náttúruni, og nú hevur tú bókina til at eyðmerkja tað, tú sært. Henda bókin er prýdd við myndum, myndalýsingum og stuttum tekstbrotum, ið greiða frá ymiskum jarðfrøðiligum fyribrigdum.

Uni Árting er jarðfrøðingur og hevur í yvir 20 ár starvast á jarðfeingi við at kortleggja jarðfrøðina á landi og til havs. Sjálvur hevur hann eisini savnað fleiri av mineralunum og grótsløgunum í bókini.

Barbara Biskopstø Thorsteinsson er útbúgvin jarðfrøðingur og grafikari og hevur sniðgivið bókina. Hon arbeiðir á jarðfeingi við ymiskum jarðfrøðiligum viðurskiftum, bæði á landi og á landgrunninum.

Lis Mortensen er náttúrulandafrøðingur og hevur arbeitt við fysisku náttúrufrøðini bæði í Føroyum og í øllum tí arktiska økinum.

The post Føroysk mineral og grótsløg appeared first on H.N. Jacobsens Bókahandil.

Hvussu eitur tú?

Rúni Brimvík — Fri, 24 Oct 2025 13:09:00 +0000

Samanberandi gransking í fólkanøvnum og navnagávu á Ytru Hebridunum og í Føroyum í 1970-árunum
Susanne Barding gevur okkum eitt hugfangandi innlit í fólkanavnagávu í tveimum smáum oyggjasamfeløgum – í Berneray á Ytru Hebridunum og Syðrugøtu.
Hon hevur makaleysan kunnleika at fara undir hetta arbeiðið. Hon er fólkalívsfrøðingur og hevur búð leingi í hesum báðum samfeløgum, sum bæði hava týðiliga tvímálsliga mentan.
Susanne rekir seg fram á fleiri kjarnamunir, men eisini nógv eyðsýnd javndømi, tá ið hon tosar um, hvussu fornøvn, eftirnøvn, tilvísingarnøvn, eyknevni og bústaðarnøvn eru sett saman, og eisini, hvussu broytingar millum ár og dag í støðuni hjá gæliskum/enskum og føroyskum/donskum hava ávirkað navnagávuna.
Hvat, ið býr í einum navni, kann vera einfaldur spurningur, men svarið er alt annað enn einfalt.

The post Hvussu eitur tú? appeared first on H.N. Jacobsens Bókahandil.

Fyri tí tú veitst er rætt

Rúni Brimvík — Tue, 07 Oct 2025 13:07:46 +0000

Tórbjørn Jacobsen hevur gjørt vart við seg alment í slaka hálva øld. Longu sum tannáringur skrivaðihann síni fyrstu lesarabrøv. Síðan tá eru nógvar greinir og óteljandi røður skrivaðar, serliga eftirhann gjørdist politiskt virkin fyri stívari fjórðingsøld síðan.
Savnið er eitt úrval burtur úr øllum tí, sum hann hevur skrivað hesi mongu ár. Røður til ymisk høvi,politiskar greinir og røður, ritroyndir, kvøður, viðmerkingar, ummæli og minningarorð. Ann Ellefsenhevur ritstjórnað tilfarið.
Ein partur hevur áður verið frammi alment, annar partur eru røður og skriv, sum eru skrivað til ávíshøvi, men sum nú kunnu hava áhuga hjá fleiri enn teimum fáu, ið tá sótu undir orðunum.

The post Fyri tí tú veitst er rætt appeared first on H.N. Jacobsens Bókahandil.

Stjórnmálafrøði – hvat, hví og hvussu

Rúni Brimvík — Thu, 02 Oct 2025 15:58:18 +0000

- hvat, hví og hvussu

Ritstjóri

Sigfríður Sólsker

Frágreiðing

Innleiðslubók um stjórnmálafrøði

Samandrattur

Bók ætlað 1. árs-lesandi í stjórnmálafrøði og samfelagsvísindum umframt á øðrum samfelagsfrøðiligum innleiðsluskeiðum. Bókin hevur eisini almennan áhuga fyri øll, ið ynskja eina innleiðslu til evnið.

The post Stjórnmálafrøði – hvat, hví og hvussu appeared first on H.N. Jacobsens Bókahandil.

Spor

Rúni Brimvík — Tue, 09 Sep 2025 14:32:44 +0000

Eitt evni í skaldskapi og í viðgerð av bókmentum er skomm og skuldarkensla. Skomm er m.a. ein ótti fyri ikki at liva upp til væntanir hjá øðrum. Fyri rithøvundar er tað kanska ein ivi um endamál við at skriva. Er tað viðkomandi? Nóg gott? Ungi rithøvundurin í Sult (1890) eftir Knut Hamsun verður lýstur sum bæði ágangandi og „hed af skam“. Í skaldsøguni Í havsins hjarta (2007) eftir Gunnar Hoydal „dandar“ høvuðspersónurin, sum er rithøvundur, millum ovurhuga, stórlæti og skomm.
William Heinesen sendi í 1936 eina grein um Chr. Matras til svenska tíðarritið Ord och Bild. Tá Chr. Matras frætti um tað, skrivaði hann til William Heinesen, at hann var „heldur illa við“ og kendi seg sum eina flundru, ið varð drigin upp av havsins botni.
Um nú rithøvundar hava tað á slíkan hátt, hvussu so við ummælarum? Kendi yrkjarin og essayisturin T.S. Eliot (1888-1965) helt, at í ummælum og viðgerð av bókmentum er neyðugt at virða ein annan myndugleika enn seg sjálva/n, um ikki rein tilvild skal ráða.

The post Spor appeared first on H.N. Jacobsens Bókahandil.

Heimsins nalvi

Rúni Brimvík — Thu, 03 Apr 2025 14:26:50 +0000

Seytjan høvundar við ymiskum bakgrundum lýsa og greina føroysk uttanríkisviðurskiftiúr ymsum sjónarhornum. Bókin viðger m.a. vinnuliga og tjóðskaparliga menning í 19. øld, heimskríggj og samráðingar um fiskimørk undir kalda krígnum, fyrstu sendistovurnar um aldarskiftið,yvirtøkur av málsøkjum og hvussu uttanríkispolitiska virksemið áhaldandi er víðkað í 21.øld. Millum høvundarnar eru granskarar, embætisfólk og journalistar, sum allir hava lagt seg eftir at skriva til almenningin.
Hetta er fyrsta bók, sum viðgerð føroyskan uttanríkispolitikk burturav. Ogevnið gerst alsamt meiri átrokandi, nú heimurin er í broyting. Bókin er ætlaðøllum, ið forvitnast um støðu Føroya í heiminum, og hvagar leið Føroya gongur.

The post Heimsins nalvi appeared first on H.N. Jacobsens Bókahandil.

Heilagar hendur

Rúni Brimvík — Fri, 14 Mar 2025 16:20:22 +0000

The post Heilagar hendur appeared first on H.N. Jacobsens Bókahandil.