Ella vóru lívskorini í Palestina í fyrstu øld so grundleggjandi øðrvísi, at vit mugu endurskoða mynd okkara av Jesusi – og hvør verður myndin tá?  

Jonas Gardell sá skjótt, at tað als ikki bar til at skriva eina objektiva bók um hesar spurningar, tí ein og hvør viðgerð fer fram úr sjónarhorninum hjá tí, sum skrivar. Tí velur rithøv-undurin at standa við sína støðu: Hann er trúgvandi. Men hann vil ikki hava okkum at trúgva sær – hann vil hava okkum at seta okkara egnu spurningar og sjálv royna at finna svar.    

Við hesari bókini fáa vit nógv at hugsa um, ikki minst tí at høvundurin ikki sær spurningarnar sum gudfrøði eina, men alla tíðina setur teir í samband við okkara egna lív, okkara egna samfelag. Og samstundis kunnu vit fylgja eini spennandi ferð frá Jesu føðing til tær fyrstu kristnu kirkjurnar.

Sprotin 2014, 412 síður. 

The post Um Jesus appeared first on H.N. Jacobsens Bókhandil.

Tað, sum vit nú á døgum í kristnini kalla Guð, er ment burtur úr ørgrynni av gudsmyndum, sum vórðu til í ymsum ættarbólkur og mentanum í Miðeystri í mong túsund ár. Gudsmyndirnar eru ofta mótstríðandi.    

Guð fær eyðkenni og eginleikar frá snúnum ættargudum hjá seyðahirðum, tí hevndarhugaða fjallagudinum Jahve, ergamla El kongi kánáanita, drekavegarunum Báal og Mardukki. Hann opinberar seg í ódnum og torusláttri og kemur stundum á pall sum demonur.    
Hvussu kann Guð vera bæði kærleiksfullur og blóðtystur?
Nær kemur hugsanin um æviga lívið til sjóndar, og hvussu við djevulinum?
Hvussu mangar skapanarsøgur eru í roynd og veru í bíbliuni?    

UM GUРer bók fyri trúgvandi sum ivandi, hon kann verða lisin av tí bíbliukøna eins væl og av tí leitandi, ið ongantíð hevur latið eina bíbliu upp. Í bókini leitar høvundurin eftir slóðum Guðs.    

Ver við á hesi fjøltáttaðu ferð, á leiti eftir Guði.

Sprotin 2014, 354 síður. 

The post Um Guð appeared first on H.N. Jacobsens Bókhandil.