Heðin Brú Archives - H.N. Jacobsens Bókhandil

Leikum fagurt

Rúni Brimvík — Tue, 10 Nov 2020 18:24:16 +0000

Leikum fagurt er ein satirisk lýsing av tí politiska lívinum í Føroyum í 30-árunum.
Hon er eisini kærleikssøgan millum tann veika læraraskúlanæmingin Tormann og ta sterku seymikonuna Elsbu. Høvuðssøgugongdin er kortini um Íhaldsflokkin, sum er ein sambandsflokkur, og Framtaksflokkin, sum er ein sjálvstýrisflokkur, og hvussu hesir flokkar, mest sum av gomlum vana, klandrast og leypa á hvønn annan í bløðunum Dagens Emne og Bergmál. Alt samalt rættiliga meinaleyst og orðabrask. Tað vandamikla kemur ikki upp í politikkin, fyrr enn reiðarin og keypmaðurin Bakka-Hanus fær eina opinbering frá Guði. Hann skal stovna ein átrúnaðarligan flokk, sum skal bjarga Føroyum og sjálvandi serstakliga handlinum hjá Bakka-Hanusi, sum er um at fara á heysin.

The post Leikum fagurt appeared first on H.N. Jacobsens Bókhandil.

Kjak undir krígnum

Rúni Brimvík — Tue, 10 Nov 2020 18:23:37 +0000

The post Kjak undir krígnum appeared first on H.N. Jacobsens Bókhandil.

Lognbrá

Rúni Brimvík — Tue, 10 Nov 2020 17:50:47 +0000

Í LOGNBRÁ fylgja vit droymaranum Høgna frá smádreingi, til hann mannkomin fer til skips. Høgni er yngsti sonur í stórbóndahúsubum í Túni. Hóast Túnhúsið er valahús og foreldur Høgna, Guðrun og Sakir, dugnalig bóndafólk, so roynist barndómurin Høgna alt annað enn lystiligur. Einki samljóð er foreldranna millum, og í hesum sálarliga ótrygga heimi, fyltur av happing og høggum, mistrívist smádrongurin og byggur sær upp sína egnu dreymaverð saman við teirri fremmandu gentii, ið hyggur upp á hann ,,við sínum stóru bláu eygum og sínum fagra gula hári."

The post Lognbrá appeared first on H.N. Jacobsens Bókhandil.

Fastatøkur

Rúni Brimvík — Tue, 10 Nov 2020 17:50:33 +0000

Í FASTATØKUM hoyra vit meir um skipslívið, nú Høgni hevur slitið seg leysan frá heiminum í Hórisvík og e farin til skips við ,,Rúðuni". He verður sjólívið lýst í góðum og ringum løtum, í ódn og í logn, á fiskileið, á heimferð og heima millum túrar.

The post Fastatøkur appeared first on H.N. Jacobsens Bókhandil.

Feðgar á ferð

Rúni Brimvík — Tue, 10 Nov 2020 15:19:04 +0000

"Teir lata seg væl í, teggja sóknarongul, skutil, línu, fastakast og vápn upp á seg og so avstað.„Pápin, hygg hvussu skjótt bilarnir fara“, øvundar Kálvur, hann gongur krýkin undir byrðini. „Minst til spikið, mítt barn, og klaga ikki, vit koma eisini til Seyrvágs, fram kemur hann, ið hóvliga fer. Nú skulu vit taka brekkuna so líðandi niðan á Háls. Vit hava ongan skund. Tað er ikki vant at ganga tvey fyri eitt við grind á Seyrvágsfirði.“„Skulu vit ikki fara eftir vegnum, pápin,“ spyr Kálvur og slær tærnar í ein stein. Nei, tað vildi Ketil ikki. „Tann gamla gøtan hevur verið nóg góð alla mína tíð, so man hon fara at hjálpast í dag við.“

The post Feðgar á ferð appeared first on H.N. Jacobsens Bókhandil.