Hilmar Jan Hansen Archives - H.N. Jacobsens Bókahandil

Tøgnin fekk eina rødd

Rúni Brimvík — Wed, 23 Sep 2026 11:00:28 +0000

Stundir hava ikki altíð verið at bíða eftir myndugleikum og skipanum, og áhaldandi er ljós varpað á tað ið vantar, og sum tørvur er á. Felagið hevur soleiðis gingið undan og verið sjónskt og til staðar í almenna rúminum.
Henda bók er ein livandi lýsing av tí, felagið hevur verið ígjøgnum og hevur avrikað. Við at økja tilvitið hjá fólki kunnu vit ásanna, at Alzheimerfelagið hesi 25 árini hevur givið tøgnini eina rødd.

The post Tøgnin fekk eina rødd appeared first on H.N. Jacobsens Bókahandil.

Stanley

Rúni Brimvík — Wed, 15 Oct 2025 13:12:19 +0000

Útlongsulin fekk hann at leita heimanífrá í 1970, men hann var nóg illa komin niður til Danmarkar, so gjørdist heimlongsulin ein drívmegi, ið bara vant upp á seg.

Við árunum hevur alskur og longsul til føðilandið givið okkum eina perlu fyri og aðra eftir, tá ið Stanley hevur givið klassikarum nýggjan lagbúna.

Dúgliga hevur Stanley vitjað heimaftur, og serliga tey síðstu 25-30 árini hevur hann verið nógv at hoyrt við sínum frálíku tulkingum av Janusi Djurhuus og øðrum klassikarum, umframt at aðrir góðir sangir eru komnir frá Stanleysa egnu hond.

Bókin, sum bara eitur Stanley, telur 264 blaðsíður og í henni eru yvir 120 myndir.

Hon fevnir um hansara lívssøgu, tónleikalív og mangt annað, ið hevur merkt hansara lívsleið. Stanley byrjaði í Silly Boys, men hevur síðani spælt saman við nógvum av størstu nøvnunum í donskum tónleiki.

The post Stanley appeared first on H.N. Jacobsens Bókahandil.

Heðin

Rúni Brimvík — Tue, 18 Oct 2022 09:50:25 +0000

Hvørt mansbarn í Føroyum man kennast við Heðin Mortensen. Hann hevur verið býráðslimur í skjótt hálva øld og eigur eisini metið sum tann drúgvasti borgarstjórin í høvuðsstaðnum. bæði á løgtingi og landsstýri hevur hann fingið seg royndan. Somuleiðis er hann tann, ið longst hevur hildið á sum ÍSF-forseti, og nógva aðrastaðni hevur hann verið í vási. Men hvussu mong munnu veruliga kenna hann?

Hetta er søgan um drongin, ið bara níggju ára gamal saman við foreldrum og beiggjum flutti úr Trongisvági til Havnar at byrja níggja tilveru.Har fall hann væl til og gjørdist havnarmaður um ein háls. Hann fann sær konu, fekk familju og gjørdist
virkin á so nógvum økjum. Og hóast mamman helt hann verða smædnan smádrong, er tað ikki fyri smædni, hann er best kendur.

Ítróttur og politikkur hava myndað stóran part av lívi hansara, men har er eisini so nógv annað.Søgan um Heðin er søgan um barna – og ungdómsárini, um kappróðrarárini og hvussu hann tann vegin endaði í politikki, um ,,dystir” og orrustur bøði í ÍSF og politikki, um frítíðarítriv og nógv av tí, honum annars hevur verið fyri á lívsleiðini.

Tá ið tú hevur lisið søguna um Heðin, átti tú at kent hann nógv betur, enn tú gjørdi frammanundan.

The post Heðin appeared first on H.N. Jacobsens Bókahandil.

Lív og lagna á Líðini

Rúni Brimvík — Tue, 10 Nov 2020 18:24:17 +0000

The post Lív og lagna á Líðini appeared first on H.N. Jacobsens Bókahandil.