Høgni av Heiði

Føðingardagur: 2-1-1962
Adressa: Saxogade 62, 2 tv. DK 1662 København K.
Telefon: 31315855
Útbúgving: Lrari

Útgávur:


..//images/placeholder.png


..//images/placeholder.png


..//images/placeholder.png


..//images/placeholder.png


..//images/placeholder.png


Úr Rithøvundabókini
Høgni av Heiði
Eg eri føddur í Keypmannahavn 2. januar 1962. Foreldrini eru havnarmaðurin Ebbe Mortensen - hann doyði í 1980 - og Rigmor Margreta Mortensen, fødd Poulsen, ættað úr Miðvági. Ógvuliga fitt fólk bæði. Eg vaks upp í Dalagøtu í Havn, gekk í Kommunuskúlan, og fekk prestsins hond á høvdið á mínum trettanda ári. Tók samfelagmálsligt studentsprógv í Hoydølum 1981, prógv í russiskum á Pusjkin-skúlanum í Moskva 1983 og prógv á Føroya Læraraskúla í Havn 1986 - við denti á føroyskt, eingilskt og lívfrøði.
Frá heilt ungum árum havi eg arbeitt hvørt summar sum arbeiðsmaður, fyrst á vørugoymslu, síðani í vegagerð. Byrjaði eisini tíðliga at skriva greinir í bløð og tíðarrit. Mítt hjarta bankaði longu tá fyri frísinni, upplýsing, gudloysi, sjálvstýri, sosialismu og demokrati. Eitt skifti var eg í kommunistaflokkinum.
Flutti í 1986 til Keypmannahavnar at búgva saman við vietnamesisku konu míni Tran Nhu. Vit eiga ein son og eina dóttur. Í Danmark havi eg havt ymisk arbeiði: læraravikarur, á røktarheimi, urtagarðsmaður, sjaførur, spesialarbeiðari o. a. Í frítíðum og arbeiðsloysistíðum havi eg studerað dúgliga fyri meg sjálvan - gudfrøði, sálarfrøði, heimspeki, bókmentir - og havi higartil latið hesar bøkur og bóklingar úr hondum:

Kristiligur ágangur. Greinin, sum tey føroysku bløðini sensureraðu, mótmælisrit 1985.
Tað heita summarið, skaldsøga 1987.
Við bivandi hjarta, skaldsøga 1994.
Prestar og profetar, 18 greinir um átrúna og lívsáskoðan (1986 - 1991), 1994.
Vatnið millum fjalla, yrkingar 1995.

Hóast langt av landi skotin, leitar hugur mín altíð aftur til Føroyar, eg fari altíð at skriva á føroyskum og fyri føroyingar.
Tilskrift: Saxogade 62, II tv., DK-1662 Kbh. K