Hotel Føroyar meira av tí góða


Forlag: Sprotin
Útgávuár: 2013
Prísur: 298.00
ISBN: 978-99918-76-40-5
Rithøvundi: Helgi Jacobsen
Evni: Fólkalívsfrøði
Ikki innbundin
Støða: Á goymslu
Síðutal: 313

Legg í kurv     -     Læg i kurv     -     Add to basket      Basket
Um bókina
Bókin um Hotel Føroyar er søgan um eitt hotell og søgan um tað góða lívið.


Í ár eru 80 ár síðani hotellið byrjaði virksemi sítt á Kongabrúnni, og 2. maj eru 30 ár síðani Pauli Ellefsen, fyrrverandi løgmaður, klipti snórin á nýggja hotellinum við Oyggjarvegin.


Hotellið hevur verið karmur um mangt og hvat forvitnisligt og serstakt hesi 80 árini. Serligir gestir, serligir døgurðar, serligar skráir, ráðstevnur og fundir á hægsta stigi.

Bókin er ikki skrivað sum eitt minnisrit, men hon fagnar hotellvinnuni, matlistini, undirhaldinum og tí góða lívinum.

Søgan um 80 ára longu leiðina av Kongabrúnni niðan í Kerjar er ein partur av fagnaðarferðini. Ein líka stórur partur eru søgurnar um øll tey støðini í miðbýnum í Havn, har Hotel Føroyar hevur sítt virksemi. Tær søgurnar vísa okkum, at trivnaðurin og fagnaðurin hjá fólki er best, tá ið tíðirnar hava verið góðar. Tær søgurnar vísa okkum eisini, at á summum økjum var ikki so stórur munur at ganga í gøtunum í London og í Havn.

Við virðing fyri søguni og øllum teimum húsum, har hotellið í dag hevur staðsett seg, er hetta ein roynd at lýsa Rybergshandilin í Vágsbotni, Fabrikkina hjá Østrøm í Rættará, Sjómansheimið, Vertshúsið og Hotel Djurhuus og spírandi hugin hjá Trónd Hansen at planta trø, urtir og blómur. Søgan um húsini, har Hotel Føroyar byrjaði á Kongabrúnni, er serlig og egin við tí skyldskapi, sum var millum hetta húsið og Vertshúsið. Nú er hetta eisini søga, men andin av Kongabrúnni flutti við niðan í nýggja hotellið. Tann andin er goður og fagnar teimum, sum lata seg lívga.