Mánalýsi


Forlag: Bókadeild Føroya Lærararfelags
Útgávuár: 2007
Prísur: 70.00
ISBN: 978-99918-1-577-0
Rithøvundi: Elin á Rógvi
Evni: Barnabøkur
Ikki innbundin
Støða: Á goymslu
Síðutal: 93

Legg í kurv     -     Læg i kurv     -     Add to basket      Basket
Um bókina
16. november var nýggj føroysk barnabók løgd fram á Bryggjuni í Keypmannahavn saman við nýskrivaðari barnabók úr Grønlandi og Sámalandi.
Føroyska barnabókin er Mánalýsi eftir Elina á Rógvi, sum vann norðurlendsku kappingina at skriva barnabók. Kappingini var fyriskipað av rithøvundafeløgunum í teimum trimum londunum saman við felagsskapinum Nordbok.
Mánalýsi er ein nútímans krimisøga fyri børn. Hon hevur støði í gerandisdegnum hjá føroyskum børnum og er sera skemtilig og hevur ein óvæntaðan enda, soleiðis sum vanligt er í krimisøgum.
Í stuttum er søgan um systkini Bjarka og Birnu og vinmannin André.
Viðurskiftini millum systkini er sum hjá so mongum: Tey klandrast eitt sindur, eldri beiggin argar systrina og roynir at øsa hana upp. Pápin og mamman eru skild og børnini búgva saman við mammuni og skulu viðja pápan í vikuskiftum.
Tað, sum ger bókina so spennandi, er, at ein málningur verður stolin úr Smiðjuni í Lítluvík. Eitt mál sum børnini í felag fáa loyst.
Og tað sum ger bókina viðkomandi er, at til ber hjá børnum at kenna seg aftur í henni: Hon gongur fyri seg í Havn beint nú, hon er um trupulleikar við at noyðast at deilast um børnini og eisini um kenslurnar, sum børnini hava av skilnaði og at noyðast at laga seg til broyttar umstøður. Hon er um viðurskifti millum systkin, og hon er um at vera fremmandur í Føroyum.
Samanumtikið ein bæði spennandi, væl skrivað og viðkomandi bók frá einum lovandi debutanti.